:

Гісторыя дыпламатычнай місіі Рэспублікі Беларусь у Бразіліі

Дыпламатычныя адносіны паміж Рэспублікай Беларусь і Федэратыўнай Рэспублікай Бразілія былі ўстаноўлены 10 лютага1992 года.

Пачатак сталай дыпламатычнай прысутнасці Беларусі ў Бразіліі быў пакладзены ў 2001 годзе з адкрыцця Генеральнага консульства ў г.Рыа-дэ-Жанейра. За 12 гадоў функцыянавання Генеральнае консульства прарабіла значную працу па аказанні консульскай падтрымкі беларускім грамадзянам, а таксама візавай падтрымкі для грамадзян Бразіліі, якія планавалі наведаць Беларусь і / або развіваць двухбаковыя адносіны з нашай краінай у розных галінах. Генеральнае консульства ў г.Рыа-дэ-Жанейра было зачынена ў 2013 годзе.

У сваю чаргу, гісторыя Пасольства Беларусі ў Бразіліі бярэ пачатак у 2010 годзе. У сакавіку 2010 года адбыўся візіт у Бразілію (г.Рыа-дэ-Жанейра) Прэзідэнта Рэспублікі Беларусь А.Р. Лукашэнка, падчас якога адбылася яго сустрэча з Прэзідэнтам Федэратыўнай Рэспублікі Бразілія Луісу Інасіу Лула да Сілва. Менавіта тады Кіраўнікамі дзвюх дзяржаў было прынята рашэнне аб адкрыцці дыпламатычных прадстаўніцтваў Беларусі ў г.Бразиліа і, адпаведна, Бразіліі ў г.Мінску.

23 лютага 2011 года ў г.Бразиліа прыбыў і прыступіў да выканання сваіх абавязкаў першы Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Бразілія Леанід Фёдаравіч Крупец.

12 жніўня 2011 года Пасол Леанід Крупец уручыў даверчыя граматы Прэзідэнту Бразіліі Дзілме Русеф.

29 жніўня 2016 года ў г.Бразилиа прыбыў другі Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Бразілія Аляксандр Пятровіч Царкоўскі.

1 верасня 2016 года ў МЗС Бразіліі адбылася цырымонія ўручэння Паслом Аляксандрам Царкоўскім копій даверчых грамат Генеральнаму сакратару МЗС Бразіліі Маркусу Безэрру Абботту Галваў. Кіраўнік Пасольства Беларусі афіцыйна прыступіў да працы ў Бразілі.

27 кастрычніка 2016 года Пасол Аляксандр Царкоўскі падчас урачыстай цырымоніі ўручыў даверчыя граматы Прэзідэнту Бразіліі Мішэль Темеру.

Дзейнасць Пасольства ахоплівае такія сферы двухбаковага супрацоўніцтва з Бразіліяй, як палітыка, эканоміка, культура, консульскія пытанні і іншае. Ключавой мэтай Пасольства з'яўляецца развіццё беларуска-бразільскіх адносін пры выкананні прынцыпаў дружбы і ўзаемнасці, узаемнай выгады і пошуку кампрамісаў.

Дыпмісіі Беларусі за мяжой

Усе дыпмісіі Сайт МЗС
Перайсці