Палітычнае супрацоўніцтва

Дыпламатычныя адносіны паміж Рэспублікай Беларусь і Федэратыўнай Рэспублікай Бразілія ўстаноўлены 10 лютага 1992 года.

У кастрычніку 2004 г. адбыўся рабочы візіт Міністра замежных спраў Рэспублікі Беларусь С.Н. Мартынава ў Федэратыўную Рэспубліку Бразілія.

У сакавіку 2010 г. у рамках візіту Прэзідэнта Рэспублікі Беларусь А.Р. Лукашэнкі ў Бразілію адбылася першая сустрэча на вышэйшым узроўні з Прэзідэнтам Лулай да Сілвай. Лідары дзвюх дзяржаў выступілі за пашырэнне двухбаковага супрацоўніцтва, а таксама прынялі рашэнне абмяняцца пасольствамі (прынятая палітычная дэкларацыя).

Пасольства Беларусі адкрыта ў г.Бразіліа ў лістападзе 2010 г., Пасольства Бразіліі ў г. Мінску – у чэрвені 2011 г.

У чэрвені 2012 г. адбыўся візіт у Бразілію (г.Рыа-дэ-Жанейра) беларускай дэлегацыі на чале з Міністрам замежных спраў Рэспублікі Беларусь Мартынавым С.Н. для ўдзелу ў міжнароднай канферэнцыі ААН па пытаннях устойлівага развіцця Рыа+20.

У лістападзе 2013 г. беларуская дэлегацыя на чале з намеснікам Міністра замежных спраў Беларусі Гур'янавым А.Я. наведала Бразілію з рабочым візітам, падчас якога праведзены беларуска-бразільскія кансультацыі паміж міністэрствамі замежных спраў.

У красавіку 2014 г. дэлегацыя Міністэрства па надзвычайных сітуацыях Рэспублікі Беларусь на чале з намеснікам Міністра Худалеевым А.Ф. наведала Федэральную акругу Бразіліі, а таксама штат Рыа-дэ-Жанейра.

У ліпені 2015 г. у рамках саміту БРІКС ў г.Уфе (Расія) адбылася сустрэча Прэзідэнта Рэспублікі Беларусь А.Р. Лукашэнкі з Прэзідэнтам Бразіліі Дылмай Русеф. Кіраўнікі дзяржаў абмеркавалі найбольш актуальныя праблемы двухбаковага парадку дня з упорам на неабходнасць развіцця гандлёва-эканамічнага супрацоўніцтва.

У верасні 2015 г. адбыўся візіт бразільскай парламенцкай дэлегацыі на чале з другім намеснікам Старшыні Палаты дэпутатаў Нацыянальнага кангрэса Федэратыўнай Рэспублікі Бразілія Ф.Л. Жыакобу ў Рэспубліку Беларусь.

У кастрычніку 2015 г. у г.Бразіліа адбыліся беларуска-бразільскія кансультацыі паміж МЗС па палітычных пытаннях. Беларускую дэлегацыю ўзначаліў начальнік упраўлення Амерыкі Краўчанка А.І., бразільскую – начальнік дэпартамента Еўропы Освальда Біята.

У студзені 2016 г. у г.Бразіліа адбыліся экспертныя кансультацыі паміж Міністэрствам юстыцыі Рэспублікі Беларусь і Міністэрствам юстыцыі Федэратыўнай Рэспублікі Бразілія.

У сакавіку 2016 г. г.Форталезу (штат Сеара) наведала дэлегацыя Магілёўскай вобласці на чале са Старшынёй Магілёўскага аблвыканкама Уладзімірам Даманегскім. У склад дэлегацыі таксама ўвайшлі прадстаўнікі Магілёўскага аддзялення БелГПП і прадпрыемстваў вобласці.

У лістападзе 2016 г. з візітам у адказ Магілёўскую вобласць, а таксама г.Мінск і Мінскую вобласць наведала бразільская дэлегацыя на чале з начальнікам Сакратарыята (памочнікам губернатара ў рангу рэгіянальнага міністра) па міжнародных справах урада штата Сеара Антоніу Балманам.

У ліпені 2017 г. у рамках візіту ў Бразілію намесніка Міністра замежных спраў Рэспублікі Беларусь Шастакова Я.А. адбыліся кансультацыі паміж МЗС па гандлёва-эканамічных пытаннях, з бразільскага боку ў мерапрыемстве прыняў удзел Генеральны субсакратар (намеснік міністра) замежных спраў Бразіліі па міжнародным супрацоўніцтве, прасоўванні гандлю і культурнай тэматыкі Сант'ягу Іразабаль Моўрау.

У кастрычніку 2017 г. у г.Мінску прайшоў трэці раўнд кансультацый паміж МЗС па палітычных пытаннях на ўзроўні начальнікаў тэрытарыяльных падраздзяленняў. Беларускі бок прадстаўляў начальнік упраўлення Амерыкі МЗС Пуставы П.М., а бразільскую — начальнік Дэпартамента Еўропы МЗС Карлас Перэс.

У лістападзе 2017 г. адбыўся візіт у Бразілію афіцыйнай беларускай дэлегацыі на чале з намеснікам Прэм'ер-міністра Рэспублікі Беларусь Калініным А.М. У рамках візіту намеснік Прэм'ер-міністра правёў сустрэчы з кіраўніцтвам бразільскіх Міністэрства замежных спраў, Міністэрства горназдабычы і энергетыкі, адміністрацыі ўрада Федэральнай акругі, штатаў Гаяс і Сан-Паўлу. У адпаведнасці з праграмай візіту ў г.Бразіліа адбылося першае пасяджэнне беларуска-бразільскай сумеснай камісіі па эканамічным супрацоўніцтве, а ў г.Сан-Паўлу праведзены кантактна-кааперацыйная біржа і першы бізнес-форум «Бразілія-Беларусь».

У чэрвені 2018 г. з афіцыйным візітам Беларусь наведаў Міністр юстыцыі Бразіліі Т.Жардзім.

10 лютага 2022 г. адбылася ўрачыстая цырымонія ўручэння даверчых грамат Паслом Рэспублікі Беларусь у Федэратыўнай Рэспубліцы Бразілія Сяргеем Лукашэвічам Прэзідэнту Бразіліі Жаіру Балсанару.

23 верасня 2022 г. на палях 77-й сесіі Генеральнай Асамблеі ААН адбылася двухбаковая сустрэча Міністра замежных спраў Беларусі Макея Ул.Ул. з Міністрам замежных спраў Бразіліі К.А. Франса.

Працягваецца развіццё ўзаемадзеяння па лініі міністэрстваў замежных спраў дзвюх краін. Сустрэчы кіраўнікоў знешнепалітычных ведамстваў Беларусі і Бразіліі адбыліся ў 2022 і 2023 гг. на палях 77-й і 78-й сесій Генеральнай Асамблеі ААН.

У лютым 2024 г. г. Мінск наведала Бразільская дэлегацыя на чале з дырэктарам дэпартамента Еўропы МЗС Бразіліі Ф. Голдманам.

У 2023 годзе паміж прэзідэнтамі Беларусі і Бразіліі адбыўся абмен памятнымі падарункамі: у адрас Прэзідэнта Рэспублікі Беларусь А.Р. Лукашэнкі перададзена майка нацыянальнай зборнай Бразіліі па футболе, Прэзідэнту Бразіліі Луле да Сілве перададзены швэдар нацыянальнай зборнай Беларусі па хакеі.

Мінск і Бразіліа актыўна ўзаемадзейнічаюць па лініі БРІКС. 28-29 красавіка 2025 г. Першы намеснік Міністра замежных спраў Беларусі С.Ул.Лукашэвіч прыняў удзел у сустрэчы кіраўнікоў знешнепалітычных ведамстваў краін БРІКС у г.Рыа-дэ-Жанейра.

6-7 ліпеня 2025 г. адбыўся візіт у Бразілію Міністра замежных спраў Беларусі М.Ул.Рыжанкова для ўдзелу ў саміце кіраўнікоў дзяржаў БРІКС у г.Рыа-дэ-Жанейра.

20 кастрычніка 2025 г. адбылася ўрачыстая цырымонія ўручэння даверчых грамат Паслом Рэспублікі Беларусь у Федэратыўнай Рэспубліцы Бразілія А.Ул.Андрэевым Прэзідэнту Бразіліі Лулу да Силве.

Развіваецца міжпарламенцкае і міжпартыйнае супрацоўніцтва.

У чэрвені 2022 г. праведзена сустрэча паміж прадстаўнікамі Камуністычнай партыі Беларусі і Камуністычнай партыі Бразіліі ў фармаце відэаканферэнцыі.

У лістападзе 2023 г. арганізаваны візіт у Беларусь Сакратара па міжнародных адносінах Партыі працоўных Бразіліі Р. Перэйра. Праведзены яго сустрэчы ў Адміністрацыі Прэзідэнта, Палаце прадстаўнікоў Нацыянальнага сходу, МЗС, Федэрацыі прафсаюзаў Беларусі.

3-5 чэрвеня 2025 г. старшыня Камісіі па міжнародных справах Палаты прадстаўнікоў Нацыянальнага сходу Рэспублікі Беларусь С.А. Рачкоў прыняў удзел у 11-ым парламенцкім форуме БРІКС у г.Бразіліа. Адбыліся яго сустрэчы з кіраўніцтвам Палаты дэпутатаў і Федэральнага Сената Нацыянальнага Кангрэса Бразіліі, старшынёй Камісіі па міжнародных справах і нацыянальнай бяспецы ніжняй палаты бразільскага парламента.

9-10 чэрвеня 2025 г. член Савета Рэспублікі Нацыянальнага сходу Рэспублікі Беларусь, першы сакратар ГА «БРСМ» А.С. Лук'янаў прыняў удзел у 11-ым маладзёжным форуме БРІКС у г.Бразіліа. Акрамя ўмацавання сувязяў з моладзевымі арганізацыямі Бразіліі адбыліся сустрэчы А.С. Лук'янава па парламенцкай лініі: з намеснікам старшыні Камісіі па міжнародных справах Федэральнага Сената Нацыянальнага Кангрэса Бразіліі Т.Крысцінай, старшынёй парламенцкага фронту БРІКС дэпутатам Ф. Піната.