:

Супрацоўніцтва ў сферы адукацыі

У 2014 годзе падпісана Пагадненне аб супрацоўніцтве ў галіне адукацыі паміж Беларускім дзяржаўным універсітэтам і Федэральным універсітэтам г. Уберландыя і Пагадненне аб супрацоўніцтве паміж установай адукацыі «Беларуская дзяржаўная сельскагаспадарчая акадэмія» (г. Горкі, Магілёўская вобласць) і Федэральным універсітэтам г. Уберландыя.

У студзені 2015 года адбылося падпісанне Пагаднення аб супрацоўніцтве паміж установай адукацыі „Беларуская дзяржаўная сельскагаспадарчая акадэмія» (г. Горкі, Магілёўская вобласць) і Універсітэтам г. Бразіліа.

У жніўні 2015 года ў г.Сан-Паўлу (Бразілія) у ходзе сустрэчы міністра адукацыі Рэспублікі Беларусь М.А. Жураўкова з Міністрам адукацыі Бразіліі Рэнату Жанінам Рыбейру адбылося падпісанне Пагаднення паміж Урадам Рэспублікі Беларусь і Урадам Федэратыўнай Рэспублікі Бразілія аб супрацоўніцтве ў сферы адукацыі.

У мэтах развіцця навукова-адукацыйнага ўзаемадзеяння і выканання пагаднення аб супрацоўніцтве ў галіне адукацыі пры садзейнічанні Пасольства ў 2020 годзе падпісаны мемарандум аб супрацоўніцтва паміж Федэральным універсітэтам штата Парана і Віцебскім дзяржаўным універсітэтам імя. П.М. Машэрава. У рамках дагавора бакі плануюць прапрацаваць магчымасць арганізацыі сумесных навукова-даследчых і адукацыйных праектаў.

Да цяперашняга часу студэнцкі абмен паміж Беларуссю і Бразіліяй знаходзіцца ў пачатковай стадыі развіцця. Тым не менш, паступова ўзрастае колькасць бразільскіх грамадзян, зацікаўленых у праходжанні моўных курсаў у Рэспубліцы Беларусь. У прыватнасці, у гэтых адносінах Пасольства аказвае судзеянне Цэнтру славянскай культуры (г.Рыа-дэ-Жанейра).

Дыпмісіі Беларусі за мяжой

Усе дыпмісіі Сайт МЗС
Перайсці