Палітычнае супрацоўніцтва

Дыпламатычныя адносіны паміж Рэспублікай Беларусь і Федэратыўнай Рэспублікай Бразілія ўстаноўлены 10 лютага 1992 года.

У рамках 108-й Канферэнцыі Міжпарламенцкага Саюза ў красавіку 2003 года ў г.Сант'яга (Чылі) адбылася сустрэча кіраўніка беларускай парламенцкай дэлегацыі Старшыні Палаты прадстаўнікоў Нацыянальнага сходу Рэспублікі Беларусь В.А. Папова з членам Палаты дэпутатаў Нацыянальнага кангрэса Бразіліі Э.Алвесом.

У кастрычніку 2004 г. адбыўся працоўны візіт Міністра замежных спраў Рэспублікі Беларусь С.Н. Мартынава ў Федэратыўную Рэспубліку Бразілія.

У кастрычніку 2005 г. адбыўся першы афіцыйны візіт у Рэспубліку Беларусь бразільскай парламенцкай дэлегацыі на чале са Старшынёй Камісіі па міжнародных сувязей і нацыянальнай абароне Палаты дэпутатаў Нацыянальнага кангрэса Бразіліі А.Седразом дэ Алівейра.

У лютым 2010 г. адбыўся візіт у Рэспубліку Беларусь дэлегацыі бразільскіх дзелавых колаў на чале з губернатарам штата Гаяс А.Р. Філью. 

У сакавіку 2010 г. у рамках візіту Прэзідэнта Рэспублікі Беларусь А.Р. Лукашэнка ў Бразілію адбылася першая сустрэча на вышэйшым узроўні з Прэзідэнтам Лулай да Сілвай. Лідэры дзвюх дзяржаў выступілі за пашырэнне двухбаковага супрацоўніцтва, а таксама прынялі рашэнне абмяняцца пасольствамі (прынята палітычная дэкларацыя).

У чэрвені 2012 г. адбыўся візіт у Бразілію (г.Рыа-дэ-Жанэйра) беларускай дэлегацыі на чале з міністрам замежных спраў Рэспублікі Беларусь Мартынавым С.Н. для ўдзелу ў Міжнароднай канферэнцыі ААН па пытаннях устойлівага развіцця Рыа + 20. 

У лістападзе 2013 г. Бразілію з рабочым візітам наведала беларуская дэлегацыя на чале з намеснікам Міністра замежных спраў Беларусі А.Я. Гур'янавым, падчас якога праведзены беларуска-бразільскія кансультацыі паміж МЗС.

У красавіку 2014 г. дэлегацыя Міністэрства па надзвычайных сітуацыях Рэспублікі Беларусь на чале з намеснікам Міністра А.Ф. Худалеевым наведала Федэральны акруг Бразіліа, а таксама штат Рыа-дэ-Жанэйра.

У ліпені 2015 г. у рамках саміту БРІКС у г.Уфа (Расія) адбылася першая сустрэча Прэзідэнта Рэспублікі Беларусь А.Р. Лукашэнкі з Прэзідэнтам Бразіліі Дылма Русеф. Кіраўнікі дзяржаў абмеркавалі найбольш актуальныя праблемы двухбаковых адносін з упорам на неабходнасць развіцця гандлёва-эканамічнага супрацоўніцтва.

У верасні 2015 г. адбыўся візіт бразільскай парламенцкай дэлегацыі на чале з другім намеснікам Старшыні Палаты дэпутатаў Нацыянальнага кангрэса Федэратыўнай Рэспублікі Бразілія Ф.Л. Жыакобу ў Рэспубліку Беларусь. 

У кастрычніку 2015 г. у г.Бразіліа адбыліся беларуска-бразільскія кансультацыі паміж МЗС па палітычных пытаннях. Беларускую дэлегацыю ўзначаліў начальнік упраўлення Амерыкі А.І. Краўчанка, бразільскую — начальнік дэпартамента Еўропы Асвальд Біата.

У студзені 2016 г. у г.Бразіліа адбыліся экспертныя кансультацыі паміж Міністэрствам юстыцыі Рэспублікі Беларусь і Міністэрствам юстыцыі Федэратыўнай Рэспублікі Бразілія. 

У сакавіку 2016 г. г.Фарталезу (штат Сеара) наведала дэлегацыя Магілёўскай вобласці на чале са Старшынёй Магілёўскага аблвыканкама Уладзімірам Даманеўскім. У склад дэлегацыі таксама ўвайшлі прадстаўнікі Магілёўскага аддзялення БелГПП і прадпрыемстваў вобласці.

У лістападзе 2016 г. з візітам у Магілёўскую вобласць, а таксама г. Мінск і Мінскую вобласць наведалась бразільская дэлегацыя на чале з начальнікам Сакратарыята (памочнікам губернатара ў рангу рэгіянальнага міністра) па міжнародных справах ўрада штата Сеара Антоніў Балманам.

У лютым 2017 г. у азнаменаванне 25-годдзя ўстанаўлення дыпламатычных адносін паміж Рэспублікай Беларусь і Бразіліяй адбыўся абмен пратакольнымі віншавальнымі пасланнямі паміж Міністрам замежных спраў РБ У.У. Макеем і міністрам замежных спраў Бразіліі Жазэ Сэрай.

У ліпені 2017 г. у рамках візіту ў Бразілію намесніка Міністра замежных спраў Рэспублікі Беларусь А.А. Шэстакова адбыліся кансультацыі паміж МЗС па гандлёва-эканамічных пытаннях, з бразільскага боку ў мерапрыемстве ўзяў удзел Генеральны субсекратар (намеснік Міністра) замежных спраў Бразіліі па міжнародным супрацоўніцтве, пасоўванні гандлю і культурнай тэматыкі Сант'яга Іразабал Моўраў.

У кастрычніку 2017 г. у г.Мінску прайшоў трэці раўнд кансультацый паміж МЗС па палітычных пытаннях на ўзроўні начальнікаў тэрытарыяльных падраздзяленняў. Беларускі бок прадстаўляў начальнік упраўлення Амерыкі МЗС П.М. Пуставы, а бразільскі — начальнік Дэпартамента Еўропы МЗС Карлас Перэс.

У лістападзе 2017 г. адбыўся візіт у Бразілію афіцыйнай беларускай дэлегацыі на чале з Намеснікам Прэм'ер-міністра Рэспублікі Беларусь Калініным А.М. У рамках візіту Намеснік Прэм'ер-міністра правёў сустрэчы з бразільскім кіраўніцтвам міністэрства замежных спраў, міністэрства горназдабычы і энергетыкі, адміністрацыі ўрада Федэральнага акруга, штатаў Гаяс і Сан-Паўлу. У адпаведнасці з праграмай візіту ў г.Бразіліа адбылося першае пасяджэнне Беларуска-бразільскай сумеснай камісіі па эканамічным супрацоўніцтве, а ў г.Сан-Паўлу праведзены кантактна-кааперацыйная біржа і першы бізнес-форум «Бразілія-Беларусь».

У чэрвені 2018 г. упершыню ў гісторыі двухбаковых адносін адбыўся візіт у Рэспубліку Беларусь на ўзроўні міністра Бразіліі. З афіцыйным візітам Беларусь наведаў Міністр юстыцыі Бразіліі Т.Жардзім.

У 2019 годзе Пасольствам праведзена работа па фарміраванні новага складу парламенцкай групы «Бразілія — Беларусь». Дзякуючы садзейнічанню новага складу парламенцкай групы дружбы «Бразілія — Беларусь» завершаны ўнутрыдзяржаўныя працэдуры па сцвярджэнні пагаднення аб супрацоўніцтве ў галіне адукацыі. Дагавор набыў моц 5 жніўня 2019 г.

З мэтай абмеркавання пытанняў міжпарламенцкага супрацоўніцтва, азнаямлення з заканадаўчай практыкай, развіцця дагаворна-прававой базы, а таксама ўмацавання гандлёва-эканамічных адносін дасягнута дамоўленасць аб ажыццяўленні візіту бразільскіх парламентарыяў у ліпені 2020 года ў Рэспубліку Беларусь. У сувязі з абмежаваннямі уведзенымі ў перыяд пандэміі ў Бразіліі і ва ўсім свеце, згаданае мерапрыемства было перанесена на больш позні тэрмін.

10 лютага 2022 г. адбылася ўрачыстая цырымонія ўручэння даверчых грамат Паслом Рэспублікі Беларусь у Федэратыўнай Рэспубліцы Бразілія Сяргеем Лукашэвічам Прэзідэнту Бразіліі Жаіру Балсанару.

10 лютага 2022 г. было арганізавана паседжанне парламенцкай групы сяброўства «Бразілія – Беларусь», дзе бразільскі і беларускі бакі абмеркавалі пытанне санкцыяў і маючую адбыцца канстытуцыйную рэформу ў Беларусі.

З нагоды 30-годдзя ўсталявання дыпламатычных адносін паміж Беларуссю і Бразіліяй 10 лютага 2022 г. адбыўся абмен пратакольнымі віншавальнымі пасланнямі паміж Міністрам замежных спраў Рэспублікі Беларусь Макеем У.У. і Міністрам замежных спраў Бразіліі Карласам Франсай.

14 лютага, а таксама 7 красавіка 2022 г. адбыліся сустрэчы Пасла Беларусі ў Бразіліі Лукашэвіча С.У. са Спецыяльным сакратаром па стратэгічных пытаннях пры Прэзідэнце Бразіліі Флавіа Роша, у рамках якіх абмяркоўваліся пытанні развіцця двухбаковага супрацоўніцтва паміж Беларуссю і Бразіліяй у кантэксце сітуацыі на міжнароднай арэне, якая непасрэдна ўплывае на пастаўкі калійных угнаенняў з Беларусі ў Бразілію.

У сакавіку 2022 г. усталяваны працоўныя сувязі Камуністычнай партыі Бразіліі і Камуністычнай партыі Беларусі з мэтай актывізацыі і развіцця міжпартыйнага супрацоўніцтва паміж краінамі. З нагоды 100-годдзя з дня заснавання Камуністычнай партыі Бразіліі накіравана пратакольнае віншавальнае пасланне ад Першага сакратара Цэнтральнага Камітэта Камуністычнай партыі Беларусі Сокала А.М. у адрас Старшыні Камуністычнай партыі Бразіліі Л.Сантас.

Актуальныя пытанні двухбаковага гандлю былі абмеркаваны Паслом Беларусі ў Бразіліі Лукашэвічам С.У. 6 красавіка 2022 г. на сустрэчы ў Канфедэрацыі сельскай гаспадаркі і жывёлагадоўлі Бразіліі CNA Brazil з удзелам Прэзідэнта Канфедэрацыі Жуао Марцінсам, а таксама Тэрэзы Крысціны Дыяс (Міністр сельскай гаспадаркі, жывёлагадоўлі і харчовага забеспячэння Бразіліі).

Наладжана плённае супрацоўніцтва з парламенцкім блокам сельскай гаспадаркі і жывёлагадоўлі Бразіліі FPA (Frente Parlamentar da Agropecuária). 12 красавіка 2022 г. адбылася сустрэча Пасла Беларусі ў Бразіліі Лукашэвіча С.У. з федэральнымі дэпутатамі Бразіліі віцэ-прэзідэнтам парламенцкага блока FPA Нэры Гелерам і каардынатарам па сувязях Зэ Сілвай.

12 красавіка 2022 г. адбылося выступленне Пасла Беларусі ў Бразіліі ў парламенце Бразіліі, дзе асноўнымі тэмамі сталі пошук сумеснага рашэння ў пытанні аднаўлення паставак беларускіх калійных угнаенняў у Бразілію, важнасць «гуманітарных калідораў для калію», устанаўленне прамых кантактаў паміж бразільскімі пакупнікамі і беларускім вытворцам.

У чэрвені 2022 г. праведзена сустрэча паміж прадстаўнікамі Камуністычнай партыі Беларусі і Камуністычнай партыі Бразіліі ў фармаце відэаканферэнцыі. Прадстаўнікі партый абмеркавалі далейшыя крокі па ўмацаванні працоўных кантактаў, выказалі ўзаемную згоду ў прапрацоўцы сумесных скаардынаваных дзеянняў па дасягненні партыйных мэт у найбліжэйшай будучыні.

23 верасня 2022 г. на палях 77-й сесіі Генеральнай Асамблеі ААН адбылася двухбаковая сустрэча Міністра замежных спраў Беларусі Макея У.У. з Міністрам замежных спраў Бразіліі К.А. Франса.