Аб удзеле Пасла Андрэева А.У. у сусветным грамадскім саміце
16.06.2026 г.16 чэрвеня 2026 г. Андрэеў А.У. у якасці ганаровага госця прыняў удзел у пленарным пасяджэнні Сусветнага грамадскага саміту «Новы свет: Лацінская Амерыка ў стварэнні агульнай будучыні».
Мерапрыемства з удзелам палітычных, грамадскіх і рэлігійных дзеячаў, навукоўцаў і журналістаў з больш чым 20 краін, якое праходзіць у г.Салвадор штата Баія, арганізавана Міжнародным саюзам няўрадавых арганізацый «Асамблея народаў свету» і Цэнтральным саюзам працоўных Бразіліі і ставіць мэтай прасоўванне практычных ініцыятыў у сферы грамадскай дыпламатыі.
У сваім выступе Андрэеў А.У. падкрэсліў, што Лацінская Амерыка з'яўляецца адным з ключавых цэнтраў новага шматпалярнага свету. У сваю чаргу Беларусь была і застаецца яе надзейным партнёрам, забяспечваючы харчовую бяспеку рэгіёну і паслядоўна выступаючы супраць палітычнага і эканамічнага шантажу, незаконных санкцый і абмежаванняў, якія падрываюць асновы міжнароднага права і б'юць па самых уразлівых слаях насельніцтва.
На палях мерапрыемства Пасол Беларусі таксама сустрэўся з Адылсанам Араўжа – Прэзідэнтам Канфедэрацыі працоўных мужчын і жанчын Бразіліі – трэцяй па велічыні прафсаюзнай арганізацыі Бразіліі, якая аб'ядноўвае 1,65 млн членаў.
Бакі дамовіліся аб прапрацоўцы канкрэтных крокаў беларуска-бразільскага ўзаемадзеяння па лініі прафсаюзных арганізацый.
