Аб уручэнні Паслом Беларусі А.Андрэевым даверчых грамат Прэзідэнту Парагвая
01.09.2025 г.1 верасня 2025 г. Надзвычайны і Паўнамоцны Пасол Беларусі ў Бразіліі і Парагваі па сумяшчальніцтве Андрэй Андрэеў уручыў даверчыя граматы Прэзідэнту Рэспублікі Парагвай Санцьяга Пенье Паласіосу.
У ходзе кароткай размовы з Кіраўніком Парагвая Пасол выказаў зацікаўленасць у развіцці сяброўскага прагматычнага супрацоўніцтва паміж краінамі з апорай на ўзаемавыгаднае гандлёва-эканамічнае ўзаемадзеянне.
У той жа дзень Андрэй Андрэеў правёў сустрэчы з намеснікам Міністра прамысловасці і гандлю Парагвая Хавіерам Віверасам, старшынёй прамысловага Саюза Парагвая Энрыке Дуартэ, а таксама старшынёй парагвайскай палаты трэйдараў збожжа і алейных культур Хасэ Берэа.
З прадстаўнікамі парагвайскага прамысловага сектара абмеркаваны перспектыўныя напрамкі супрацоўніцтва ў галіне машынабудавання і электраэнергетыкі з улікам наяўных у беларускага боку шырокіх кампетэнцый і напрацовак у гэтай сферы.
Падчас сустрэчы з парагвайскай палатай трэйдараў збожжа і алейных культур бакі разгледзелі практычныя пытанні ўзаемавыгаднага гандлю аграрнай прадукцыяй і ўгнаеннямі.
