Аб сустрэчы Пасла Беларусі С.Лукашэвіча з Губернатарам бразільскага штата Сеара
17.07.2023 г.17 ліпеня 2023 г. адбылася сустрэча Надзвычайнага і Паўнамоцнага Пасла Рэспублікі Беларусь у Федэратыўнай Рэспубліцы Бразілія Сяргея Лукашэвіча з Губернатарам бразільскага штата Сеара Элману дэ Фрэйтасам.
У ходзе сустрэчы абмеркаваны перспектывы стварэння сумесных зборачных вытворчасцей беларускіх трактароў у Бразіліі, асабліва малой трактарнай тэхнікі, якая найлепшым чынам падыходзіць для патрэб сямейных фермерскіх гаспадарак.
Ва ўрачыстай абстаноўцы ў прысутнасці Міністра аграрнага развіцця і сямейнай сельскай гаспадаркі Бразіліі Паўлу Тэйшэйра падпісана дарожная карта праекта па стварэнню сумесных зборачных вытворчасцей.
