Міжрэгіянальнае супрацоўніцтва

Узаемадзеянне на рэгіянальным узроўні дазваляе развіваць і ўмацоўваць прамыя гандлёва-эканамічныя сувязі паміж суб'ектамі гаспадарання, задзейнічаць структуры малога і сярэдняга бізнесу, пашыраць магчымасці азнаямлення большай замежнай аўдыторыі з патэнцыялам Рэспублікі Беларусь.

У лютым 2010 года падпісаны дагавор аб супрацоўніцтве паміж Мінскай вобласцю і бразільскім штатам Гаяс.

У чэрвені 2015 г. дэлегацыя дзелавых колаў штата Гаяс на чале з віцэ-губернатарам Жазэ Элітонам дэ Фігейрэду Жуніёр наведала Мінскую вобласць, дзе правяла дзелавыя перамовы з кіраўніцтвам рэгіёну, а таксама прадстаўнікамі беларускіх суб'ектаў гаспадарання.

У сакавіку 2016 г. у г.Фарталезе (штат Сеара) знаходзілася з візітам дэлегацыя Магілёўскай вобласці на чале са Старшынёй Магілёўскага аблвыканкама Уладзімірам Даманеўскім. У склад дэлегацыі таксама ўвайшлі прадстаўнікі Магілёўскага аддзялення БелГПП і прадпрыемстваў вобласці. Падчас візіту адбыліся сустрэча і перамовы Уладзіміра Даманеўскага з Губернатарам штата Сеара Каміла Сантанай, па выніках якіх было падпісана Пагадненне аб супрацоўніцтве паміж Магілёўскім аблвыканкамам і Урадам Штата Сеара. У рамках візіту беларускай дэлегацыі таксама адбыліся перамовы прадстаўнікоў дзелавых колаў Беларусі і Бразіліі ў Федэрацыі прамысловасці і Асацыяцыі гандлю штата Сеара. Па іх выніках падпісана Пагадненне аб супрацоўніцтве паміж Магілёўскім аддзяленнем БелГПП і Асацыяцыяй гандлю штата Сеара.

У канцы траўня — пачатку чэрвеня 2016 г. у рамках візіту Пасла Беларусі Л.Ф. Крупца ў штат Токантінс з губернатарам М.Мірандай абмеркаваны пытанні развіцця гандлёва-эканамічнага і інвестыцыйнага супрацоўніцтва паміж Беларуссю і Бразіліяй, з асобнай увагай пытанняў прасоўвання беларускай тэхнікі, перспектывам стварэння сумесных прадпрыемстваў, а таксама ўзаемадзеяння ў сферах сельскай гаспадаркі, турызму і адукацыі.

У лістападзе 2016 г. арганізаваны візіт у Беларусь кіраўніка Сакратарыята па міжнародных справах ўрада штата Сеара Антоніў Балмана. У праграму візіту ўвайшлі правядзенне перамоваў з кіраўніцтвам Мінскага і Магілёўскага аблвыканкамаў, ААТ «Мінскі трактарны завод», ААТ «Белшына», ААТ «Бабруйскі завод трактарных дэталяў і агрэгатаў» па пытаннях экспарту беларускай тэхнікі ў Бразіліі.

У канцы лістапада 2016 г. у рамках візіту Пасла Беларусі А.П. Церкоўскага ў штат Рыу-Грандзі-ду-Сул адбыліся сустрэчы з губернатарам Жазэ Іва Сарторі, кіраўніцтвам рэгіянальных Федэрацый прамысловасці, сельскай гаспадаркі і гандлю па пытаннях наладжвання міжрэгіянальных сувязяў з Гомельскай вобласцю.

У сакавіку 2017 г. Пасол А.П. Церкоўскі прыняў удзел у міжнароднай выставе “Expodireto Cotrijal” у г.Наў-Ме-Токі, падчас якой абмеркаваў з кіраўніцтвам штата Рыу-Грандзі-ду-Сул актуальныя пытанні супрацоўніцтва з бразільскім рэгіёнам у галіне сельскай гаспадаркі.

У лістападзе 2017 г. у рамках наведвання г.Бразіліа Намеснік Прэм'ер-Міністра Рэспублікі Беларусь А.М. Калінін сустрэўся з Кіраўніком Адміністрацыі Урада Федэральнага акругаі Сержыў Сампаё. У ходзе сустрэчы бакі абмеркавалі перспектывы ўстанаўлення пабрацімскіх сувязяў паміж адным з беларускіх гарадоў з бразільскай сталіцай.

У лістападзе 2017 г. у рамках візіту афіцыйнай беларускай дэлегацыі на чале з Намеснікам Прэм'ер-міністра Рэспублікі Беларусь А.М. Калініным ў штаце Гаяс адбыліся сустрэчы з кіраўніцтвам рэгіянальнага ўрада, Федэрацыі прамысловасці, індустрыяльнага раёна «Гаяна-Анапаліс-Бразіліа» і сухога порта «Цэнтр-Захад». У ходзе візіту падпісаны Мемарандум аб прапрацоўцы пытання стварэння зборачнай вытворчасці беларускіх трактароў у штаце Гаяс.

У снежні 2017 г. па запрашэнні губернатара штата Сан-Паўлу Жералду Алкмина Пасол А.П. Церковский наведаў г.Сан-Паўлу, дзе правёў сустрэчу з Ж.Алкмином і прадстаўнікамі ўрада бразільскага штата ў мэтах прэзентацыі гандлёва-эканамічнага, інвестыцыйнага і турыстычнага патэнцыялу Рэспублікі Беларусь.

У лютым, маі і верасні 2018 г. адбыліся візіты прадстаўніка Пасольства ў штат Гаяс, падчас якіх з кіраўніцтвам штата абмяркоўваліся пытанні рэалізацыі Мемарандума аб прапрацоўцы пытання стварэння зборачнай вытворчасці беларускіх трактароў у штаце Гаяс, а таксама ўзгаднення Плана сумесных дзеянняў Мінскага аблвыканкама і ўрада штата Гаяс на 2018 — 2020 гады.

27-29 жніўня 2018 г. адбыўся рабочы візіт Пасла Беларусі ў Бразіліі Церкоўскага А.П. у г.Рыа-дэ-Жанэйра, падчас якога кіраўнік замежнай ўстановы правёў сустрэчы з прадстаўнікамі бразільскай аналітычнай супольнасці, нафтаздабываючай прамысловасці, турыстычнай сферы, навукі і бібліятэчнай справы.

15 студзеня 2019 г. у Пасольстве адбылася сустрэча Пасла Беларусі і мэра г.Рыа-дэ-Жанэйра Марсело Крівелла з удзелам васьмі федэральных дэпутатаў, у тым ліку прэзыдэнта Рэспубліканскай партыі Бразіліі Маркуса Перэйры.

11 ліпеня 2019 г. у Пасольстве адбылася сустрэча кіраўніка замежнай установы з Міністрам сельскай гаспадаркі штата Сеара Асыс Дзінізам, абмеркаваны пытанні міжрэгіянальнага ўзаемадзеяння паміж штатам Сеара і Магілёўскай вобласцю, у тым ліку перспектывы арганізацыі візітаў А.Диниза і губернатара штата Сеара Камілу Сантана ў Магілёўскую вобласць.

25 верасня 2019 г. у Федэрацыі галін прамысловасці штата Сан-Паўлу пры ўдзеле Пасольства і яго кіраўніка арганізаваны і праведзены міжнародны бізнэс-форум «Go Eurasian Markets». У мерапрыемстве прынялі ўдзел больш за 80 прадстаўнікоў дзяржаўных структур штата Сан-Паўлу, галіновых аб'яднанняў, бізнес-колаў, а таксама бразільскіх ЗМІ.

У 2020 годзе Пасольствам прапрацаваны візіты кіраўніка замежнай установы ў штаты Парана і Гаяс, а таксама візіт прадстаўнікоў беларускіх дзелавых колаў у штат Гаяс. У ходзе мерапрыемстваў планавалася правядзенне сустрэч з кіраўніцтвам штатаў, прадстаўнікамі бізнес-колаў, а таксама бразільскіх СМІ. Аднак з-за распаўсюджвання COVID-19 па просьбе рэгіянальных улад візіты перанесены на больш позні тэрмін.

14 красавіка 2020 г. Пасольствам арганізавана відэаканферэнцыя з прадстаўнікамі апарату ўрада і аграбізнесу штата Гаяс. У ходзе мерапрыемства бакі абмеркавалі стан перспектывы міжрэгіянальнага ўзаемадзеяння, развіцця гандлёва-эканамічных адносін, а таксама ўступленне Беларусі ў СГА.